جارى التحميل
استخدم زر ESC أو رجوع للعودة
...... وقت م اشتاقلك .......
وكل يا أملى م اشتاقلك
أقول الشعر ف عنيكى
وأوصف حالى من قبلك
وحالى إيه صبح بيكى
أغمض عينى وبقلبى
أحسك يا هَنا قلبى
ترفرف روحى م النشوى
وافتْح عينى ألاقيكى
حقيقة واضحة قدامى
.............................. منايا وقت م اشتاقلك
حياتى الجاية والأيام
وعِلمى بجنة الأحلام
بحبك كلمة مش نافعة
ولآ تِكفى لحتى سلام
ولو هافضل سنين عمرى
أقولهالك يا نور عمرى
دا إنتى يا إنتى يلزمْلك
جديد والله حقيقى كلام
عشانك بس يا غرامى
.............................. منايا وقت م اشتاقلك
منايا لما أشتاقلك
أشوفك برضه مشتاقة
وقبل بلحظة م اندهلك
بتيجى لحضنى محتاجة
ترُشى البسمة على فمى
يا وارثة القلب عن أمى
تدومى لقلبى دقاته
ياكل ما ليا من حاجة
وجودى أغلى أنغامى
.............................. منايا وقت م اشتاقلك
# كرم شحات #
المصدر: ماجدة الطوبجي
(مجلة عشاق الشعر)(1)(ممدوح حنفي)
ساحة النقاش