يا ترى ....الاستاذ عبد الجواد خاطر

-----------------------------ياترى------------------------------
-------------------------------------------------------------------
ياترى سامع ندايا
الوريد انتفض جوايا
وصوتى وصل سمايا
ياترى معايا
أسلم وأرفع الرايا؟
وأللا تستجيبى
ويجمعنا نفس المكان
ونفس المرايا
ياترى فاكرة أول ميعاد
وفاكرة قد ايه كان السهر
وقد ايه كان السهاد
وازاى قدرنا على الفراق
وازاى قدرنا على البعاد
واتحملنا فى حياتنا
كتير سواد
مساحة الحزن فى
حياتى بتكبر
وعلى حجم
السما والسحاب
عيونّا بتمطر
لا الربيع بيزهّر
ولا الشجر بيكبر
عنيكى بحر وقلبى
سمكة جواه
غطينى برموشك
لا الموج بيّه يغدر
مساحة الحزن فى
حياتى بتكبر
ومساحة عمرى
بتقل وتصغر
نلحق نعيش نحب
وندوب ونسهر
تعرف لما بشوفك ببقى
فى حال غير الحال؟
ويروح منى الكلام
ولا بلاقى جواب لسؤال
ما انت كمان سايق الدلال
وزايد جمال فوق الجمال
صبرى عليك أصبح محال
موش قادر ياعنيه لجلك
ياروحى الدمع سال
الشاعرعبدالجوادخاطر