ام الحقيقه ...الاستاذ محمد ابو المعاطى

أم الحقيقة
.............
م العشم 
و لا م الغشم
و لا م الحظ اللى ابتسم
انا ضهرى خلاص انقسم
ما بقيتش قادرة اقوم من مكانى
و لا الحركة بقت فى إمكانى
ألوم عليهم و لا الوم على زمانى
و الموت عندى بقا م الأمانى
و يا ربت على كده و سابونى فى حالى
لأ دا بقوا عيالى و عيال عيالى
بعتك واحدة رجعتيلى أربعة
و ياما قولتلك عيشى و انتى مصربعة
مصربعة على ايه
يا ريتك صبرتى عليه
و اللى بيصبر ينول و لو الدنيا بتشتى
امال لو عشتى عيشتى
و قعدتى على طشتى
امال لو عشتى عيشتى
و قعدتى على طشتى
راجعة دلوقتى تبكى
راجعة دلوقتى تحكى
أهو سابك و راح لغيرك
و رجعتيلى و العيال ف ديلك
و شايلتى امك الهم
و لا ليكى أب و لا عم
جوزتك عشان ارتاح
رجعتيلى و معاكى كساح
و انا خلاص كبرت
يا ريتك يا ابنى انت صبرت
ما بقيتش قادرة اقوم من مكانى
و لا الزمان بقا زمانى
أم اليوم و لا أم الأمس
الفرق واضح زى الشمس
امال لو عشتى عيشتى
و لا قعدتى على طشتى
راحة جرى تشكى
و ترجع تانى تبكى
امال لو شفتى امك ف الطل
و ابوكى نايم مهطل
و الدنيا بتشتى
و انا قاعدة على طشتى
أم الحقيقة
عشت انا معاها دقيقة بدقيقة
أم الحقيقة هى أمى
يا دنيا تسدى النفس و تغمى
أم الحقيقة هى أمى
محمد أبوالمعاطى