حلـــم .. الشاعر / جمال محمد

............ حلم. ..........
وقولتى لى .........
بقي لك فين سنين غايب
وانا رديت بنظرة عين
كنتى غايبة عنى فين
سنين فاتت وانا وحدى
وبشكى للنجوم وجدى 
وتايه بين رموش العين
ومالى فى الغرام نايب 
وقابلتك 
وعمرى رجع لى من تانى 
وف عيونك لقيت روحى
خلاص مابقتش وحدانى 
بنظرة واحدة فجأة لقيت 
سهمك فى الحشا صايب 
وقولتى لى ..... حبيب عمرى
نفسي إللى فات ننساه
وخليك جنبى وف حضنى 
وخد قلبى وعيش جواه 
رسمنا لحبنا صورة 
وياسمينة وعصفورة 
وبيت على قد أحلامنا 
ونسينا مرارة الآه