بحر الاشواق ...الاستاذ ابو رؤى قاسم الدوسرى

تمربيه مرت غرب ماكلتي أشلونك
تدريني ماعوفك أبد لا والله وعيونك
جيت شكثر مشتاگ
وبحرّة الأشواگ
خايف يشوفوني هلك وعني يمنعونك
حاير أجيتك والگلب ماتنطفي ناره
مو جنت انت بالنفس وهم للگلب جاره
تبتعد يالمحبوب
مو تدري گلبي يذوب
بس انت يهواك الگلب والكل يعرفونك
سولفلي عن ذاك البعد
من دوني مرتاح
وآنه بغيابك ياترف
عني الفرح راح
صدگني ما نام
وغارك بالأوهام
ياريت تترك هالبعد مشتاگ لعيونك
تمر بيه مرت غرب ماگتلي أشلونك
تدريني ما عوفك أبدلا والله وعيونك
ابو رؤى قاسم الدوسري