وزرا ايه..ووزرا ليه / الاستاذ محمد ابو المعاطى

وزرا ايه و وزرا ليه
........................
قطط الشوارع كلاب الشوارع
أطفال الشوارع و ما حد فينا وارع
وزرا ايه اللى قاعدين ف مكاتبهم
حرام عليك يا شيخ تجيبهم
نفسى مرة أشوف وزير ف الشارع
و شاف عيل من أطفال الشوارع
راح عليه و ميل و طبطب على كتفه
و سقاه من حنانه و عطفه
و قعد يلاعبه و يلاطفه
و رعاه قبل ما يلاقى حتفه
ألا حالق شنبه و نتفه
ألا حالق شنبه و نتفه
هى العيالدى ولاد ايه و عياله ولاد البيه
وزرا ايه و وزرا ليه
و لا احنا مش عاجبينك يا ريس
ما تبص حواليك كويس
دول وزرا مفيش ف قلوبهم رحمة
طول ما بطونهم شوارع و زحمة
دول وزرا بياخدوا العصير لحمة
ازاى هيكون فى قلوبهم رحمة
نفسى مرة اشوف وزير راكب عربيتو
و لا راكن جنب بيتو
شاف عيل من أطفال الشوارع
راح عليه و ميل و لاقاه قالع
و شاف البؤس اللى ف عنيه
قلبه كلوا و خاف عليه
ألا شافه و قام خالع
ألا شافه و قام خالع
و بدل العيل بقا جيل
اتلوث اكتر من النيل
و بدل الشوارع الخلفية
بقت شوارع أمامية
إلحق يا ريس و اقفل الحنفية
كل ده من الأنانية
و مصر بجد محتاجة عملية
مصر بجد محتاجة عملية
إلحق يا ريس و استعين بالله و بيا
و مش عايز حاجة غير فضل الله عليا
و راح اكون ف الشارع
زيى زى أطفال الشوارع
واقف ع السفل
زيى زى أى طفل
لغاية ما نعدى مرحلة الخطر
إلحق يا ريس و ما تشمت فينا قطر
و لا احنا مش عاجبينك يا ريس
ما تبص حواليك كويس
هتلاقى بدل الوزير عشرة
بيخافوا ربنا ف الحشرة
و نفسهم بجد يكونوا ف الشارع
و بيكرهوا الكفتة و الكباب و انت طالع
و أغلبهم م الشباب البارع
إلحق يا ريس أطفال الشوارع
مصر بتموت يا ريس
ما تبص حواليك كويس
محمد أبوالمعاطى