وينسى ازاي .. بقلم / محمود ناصر

(وينسي ازاي)
وقرر عقلي يستسلم الي النسيان
واتاري القلب مش نسّاي
وينسي ازاي
ليالي عشقنا الدايبه
في كاسة شاي
رصاصة حبنا الصايبه
علي صوت الكمان والناي
وينسي ازاي
قعده تحت ضلايه
لنخلايه وسجرة توت
وبلبل عشق بيغني
ومتهني. وفوقنا يفوت
ويّا الفجر كان رايح
وكان ويّا العصاري جاي
وينسي ازاي
بسمه بتجري في شفايفك
وأهو شايفك
ملاك طاير بلا جناحين
وجوه عنيكي تحويطه وتعويذه
وكام فيزا
وتأشيرة غرام وحنين
وترياق لو يمس القلب
ينسي الآي
وينسي ازاي
صدي صوتك بتردد
مابين اوردته والشرايين
ويشكي لمين
مرار بعدك وهجرانك
وعلشانك وهب نفسه
بني حلمه
فتح ابوابه ع الجنبين
وتقسي ازاي
وينسي ازاي
شاف القلب مش ناسي
ولعهود الهوي صاين
وحابس صهد انفاسي
وسواح بيها في مداين
قرر عقلي يتحايل
علي عقله ويتنازل
عن تسليمه للنسيان
مدام القلب مش نساي
وينسي ازاي
*****************
محمود ناصر