جارى التحميل
استخدم زر ESC أو رجوع للعودة
حبيبتى يا مصر
==========
سنين م العمر
من بين الادين تجرى
وعليه تمر
وانا المسجون
هاموت م القهر
حبيس لامالى واحلامى
باعافر واكتب الموال
مغموس بالصبر ويا المر
وعالناى الحزين باعزف
وادندن وانعى بالحانى
وبابكى بدمع القلب
وبالقلم عالورق بالحبر
وبزلزل الكون
صدى شعرى وترديدى
وانا بانادى
حبيبتى يا مصر
وحشااااااااااااااااانى
وارسم ليها باقلامى
انا الكلمة واجملها
واهديها ببدع الدر
وادفن بقلبى اشجانى
وهمومى ويا احزانى
مشتاق وباحلم تعود تانى
ويعود ليها ادان مع فجر
وازلزل الكون
بترديد اسمك باشعارى
وباعلى ما بيا
اثوراصرخ
وانادى سامعه يا مصر
ايوا انتى
انتى الى من اجلك وعلشانك
اموت واترمى فى النار
ما اهو انتى ثروتى وعزى
ومجدى ويا سلطانى
ولو ليك يسيل دمى
عليه يهون
فداك روحى اهديها
هدية ومهر
مهو انتى
انتى الى دون الكون
يرخصلك حبيبتى
كل شىء عزيز غالى
بحبك
بحبك وحبك يا بلدى
عاصر فؤادى عصر
يا جنة بالارض
بيها ربى العرش اهدانى
ومين غيرك يا سمره
تكون لينا سكن مع دار
ومين دونك يليق اكتب
عليها اسمى وعنوانى
يا سفينه وشط مع مينا
وقلعة حصينه للثوار
ويا حضارة ومنارة
وبرج عالى وهرم مع نهر
ويا سد عالى
وعلم بيضوى عليه النسر
انا حورس
انا حورس وليك حارس
اصيل من نسل فرعونى
يا شجرة الدر
يلا انهضى وقومى
وباولادك يلا افتخرى واتباهى
قوليلهم وبوحى بقى عالسر
قولى عزيزة ابية
ورب العرش حامينى
بكتابه اسمى ذكر
وصدق رسوله وقال
امن وايمان وامان
واثنى على ولادى
قال خير جند الارض
للدهر اجنادى
خمسه وخميسه بعين العدو
ولو حتى زمانى جار
برباط ليوم الدين
شعبى وجيشى وفرسانى
بقلم
=== الشاعر \ راسم محمد
المصدر: ممدوح حنفي
(مجلة عشاق الشعر)(1)(ممدوح حنفي)
ساحة النقاش