(اللي باقي مني كام)
لا انا راجل بتاع اعمال
ولا كتفي عليه شًرطه
ولا صاحب نفوذ بالمال
ولا ليا نفوذ سُلطه
انا مصري
انا انسان بسيط مصري
وعاداتي دي شئ حصري
انا مصري
اصلي فجري اقوم اجري
علي عيشي علي أجري
واصلي ضهري مع عصري
انا مصري
ولما اقوم لعٍشايا
اصلي وانادي لعًشايا
وانام متهني في قصري
ما انا بيتي اللي معروش بوص
واللي حيطانه كلها خوص
بالنسبالي دي قصري
ما انا مصري
انا عايش وعمري ما اخاف
تكفّي حصيره فوقها لحاف
ولقمة عيش مغمسه حاف
وتوب م البرد لو شفاف
لو غطي يادوب خصري
ما انا مصري
ع اللي فات منيش ندمان
في اللي جاي منيش طمعان
انا طمعان وحلمي يادوب
اكون عايش منيش متهان
اعيش انسان
اعيش بكرامتي وبأصلي
ما انا مصري
انا راضي صحيح لكن
ساعة الظلم عمري ما انام
حتلقاني في وسط نسور
لو كان شكلي شكل حمام
حتنتف ريشي
ميهمش
حتكسر ضلعي
ميهمش
المهم م اتباعشي
ما اتهانشي
ومسألشي
علي اللي باقي مني كام
سؤال حصري
ما انا مصري
*****************************************
محمود ناصر
لا انا راجل بتاع اعمال
ولا كتفي عليه شًرطه
ولا صاحب نفوذ بالمال
ولا ليا نفوذ سُلطه
انا مصري
انا انسان بسيط مصري
وعاداتي دي شئ حصري
انا مصري
اصلي فجري اقوم اجري
علي عيشي علي أجري
واصلي ضهري مع عصري
انا مصري
ولما اقوم لعٍشايا
اصلي وانادي لعًشايا
وانام متهني في قصري
ما انا بيتي اللي معروش بوص
واللي حيطانه كلها خوص
بالنسبالي دي قصري
ما انا مصري
انا عايش وعمري ما اخاف
تكفّي حصيره فوقها لحاف
ولقمة عيش مغمسه حاف
وتوب م البرد لو شفاف
لو غطي يادوب خصري
ما انا مصري
ع اللي فات منيش ندمان
في اللي جاي منيش طمعان
انا طمعان وحلمي يادوب
اكون عايش منيش متهان
اعيش انسان
اعيش بكرامتي وبأصلي
ما انا مصري
انا راضي صحيح لكن
ساعة الظلم عمري ما انام
حتلقاني في وسط نسور
لو كان شكلي شكل حمام
حتنتف ريشي
ميهمش
حتكسر ضلعي
ميهمش
المهم م اتباعشي
ما اتهانشي
ومسألشي
علي اللي باقي مني كام
سؤال حصري
ما انا مصري
*****************************************
محمود ناصر
ساحة النقاش