دنيتنا قصه ممدودة ...الشاعر :مدحت سلام

دنيتنا قصه ممدودة ... بسنين محدودة ... فيها ناس موجودة 
ناس بتدخل وتخرج وناس مفقودة
دنيتنا مليون وحكاية حكاية ... فيها الوسيلة والغاية ... ليها بداية ونهاية
دنيتنا مليانه نفوس ... بنتعلم منها دروس ... دنيتنا حلو مر كؤوس وكؤوس
دنيتنا قطار مبيستناش حد يا ناس ... ناس بيفوتها وناس بتنداس 
حياتنا دنيا حضرت فيها الماديات وغاب الاحساس
يوم تحت ويوم فوق وملهاش مقياس
لكل واحد دنيته ... طريقه وسكته ... احزانه وافراحه كراهيته ومحبته 
حكاياته وكل واحد بيحكي بطريقته قصته
اسراره اللي بتفضل جواه لحد تربته
(( مدحت سلام ))