((ضاع العمر)) بقلم أ./ أحمد أمين زمام

ضاع العمر ...
..ختيار عالمفرق.
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شاب الشعر ...
وسنين تتحرق.
بسحر الكحل ...
...أيام عمنغرق.
انطرتك عمر عامفرق التكوين..
......وضاع العمر...
........ختيار عالمفرق.

جهجه ضو الفجر...
........طلو هالحساسين.
زهر الندي ...
.....قطف من سحرهون لونين.
واحد بلون القمر...
.... .وواحد بشهد شفافها
وشو انبسط هالختيار...
..................شو روق.

كنا بدني...
........ غير الدني
والعمر بعدو سوسنة
نغني سوا...
......نقول الزجل
نرسم عمر...
......فرحان ومشقرق.

بليلة عتب...
... ضاع التعب
شال العكتفك..
......لبس عتمات الشتي
وياحسرتي...
........شال الهوى اتخزق.

بكييييييير....
بكير يازهر العمر ...بكير
كبرنا سوا....
........وكبر الهوى...
..........وفتح ورد تشرين.

ياترى ....
...ياسنابل العشق
عمرك سمعت....
.....عن قمر ختير ...
..........لو بقي سنين ...عالمفرق؟؟؟
وضاع العمر...
ضااااااع العمر...
..........ختيااااااار عالمفرق.
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أحمد أمين زمام