( هو بس الأمـــــل) (ممدوحيات) بقلـــــم الشاعر : ممـــــدوح حــــــنفي

هو بس الأمـــــل

بقلـــــم : ممـــــدوح حــــــنفي

.......................................
الملل كل حياتى شمل 
فى الملل .. إيه العمل؟
ياصـافـين النيه .. ردوا عــليا 
يا اهل الدنيا .. إرحموا عينيا
********************* 
بمـــل اليـــوم .. ولـــون الغيــوم 
بمل الوحده وعلى طول مهموم 
نفس الدموع .. لنفس الموضوع 
اليـــوم فـى حـــياتـى إســــبوع 
متعذب مع سنين الأزل 
فى الملل .. إيه العمل؟
ياصـافـين النيه .. ردوا عــليا 
يا اهل الدنيا .. إرحموا عينيا
*********************
الصبح والليل .. والشوارع والنيل 
زي مـا همـــا و الله مستحيــــل 
الفشل طوابير .. النوم سرير 
نفس الشـئ مافيش تغـــير 
هو ده المكتوب والاجل؟ 
فى الملل .. إيه العمل؟
ياصـافـين النيه .. ردوا عــليا 
يا اهل الدنيا .. إرحموا عينيا
*********************
الحـــل إيــه .. فـــين ألاقيه؟ 
قولولى منين طريق أراضيه؟ 
ياناس الحياه .. ردوا ولو بالآهـ 
وطمنونى الحـــل فـــين القاهـ 
دا الدنيا صحرا وأنا الجمل 
فـى المـلل .. إيـه العمـل؟ 
ياصـافـين النيه .. ردوا عــليا 
يا اهل الدنيا .. إرحموا عينيا
*********************
أيوه ياناسى .. والله بقاسى 
وورم عقلـــى فــى راســـى 
قلتوا إيه؟ .. ساكتين ليه؟ 
قـــولـــوا وأنا أجـرى عليه 
دا أنا ظهرى ياما حمـل
فى الملل .. إيه العمل؟ 
ياصـافـين النيه .. ردوا عــليا 
يا اهل الدنيا .. إرحموا عينيا
*********************
إيه يا تعبانين؟ .. إيه يامساكين؟ 
حـــتى فـــى الـــرد مـــترددين؟ 
الحل جانى .. وللطريق هدانى 
جانى وقاللى .. بصــوت ربانى 
بس الأمـــل .. هو الأمـــل 
العمل فى الملل .. الأمـل 
ياصافين النيه .. عيشوا بأمل 
يااهـــل الدنيا .. إدعـــوا بأمل
.........................................
..........( ممدوحيات ).