جارى التحميل
استخدم زر ESC أو رجوع للعودة
تخريف ... كلام ومن غير تحريف ... ويكسب اللي قلبه نظيف
الرجوله ادب مش هز كتاف ... وخسران اللي من غير ربه خاف
ولا من دري ولا من شاف
الشهرة بقت بالهزي وهز الوسط ... والشريف بيجيب كل حاجته بالقسط
حضرت المهرجنات ... وغابت المعاني والكلمات
راح فين الفن ... ولا لازم احنا كمان نتجن
الوطن فلان بيولاي وفلان بيعادي ... وكله ماشي كله عادي
العيشة بقت بالدراع ... احترام الكبير خلاص ضاع ... دوشه زحمة وصداع
حضرت الصورة وغاب المضمون ... واللي بيقول الحق قالوا عليه مجنون
وما في شيء في الزمن ده مضمون
ناس بتسقف وتهلل ... وناس بتهبل ... والعويل ناس كتير ليه بتطبل
ناس بتحارب حتى جيشها ... وكمان بقى العداء اكل عيشها
يلا اهي دنيا وعيشه بنعشها
(( مدحت سلام ))
المصدر: ماجدة الطوبجي
(مجلة عشاق الشعر)(1)(ممدوح حنفي)
ساحة النقاش