(( كون أنايا منك )) بقلم الشاعرة / فاطمة بصور

*** كون أنايا منك***

كون أنايا منك؟!
گبل ما ندخل فيك
باش نقراك...
عاد نخرج منك
وانسولني
واش نقدر نلقاني فيك؟!!
ما انخلي عينيك
اتسيل دمعتهالخاترة عليا
كون أنايا منك؟!
گبل ما انحسك فيا
واتحسني فيك
واش تقدر اتكوني
وانكونك ؟!
وگلبك ما ايخوني
وگلبي ماايخونك؟!
ماانخلي گلبي يغرق
فبحر گلبك
الي مواجوفالتگلاب
واعرة يا لعشير عليا؟!
وعاوتاني...وتاني
كون انتايا بصح مني
ونايا بصح منك...
ما انخليوا حياتنا
شرجم محلول
منو يدوز داك البرد لموسخ
ليك ...أوليا؟!
وكون بصح
كيف كيگولوا
طاح الحك
وصاب غطاه؟!!
اعلاش گلوبنا بجوج
مزال هازة ديك الماية؟!
انتوماالعلامة...
انتوما گصاص الخيل
خرجوا لفعايل؟!!

مشاكسة إبداعية من مجنونة الحرف والركح: صديقة الكل: فاطمة بصور بكل تقاسم للحرف.