((كان عندي جده)) بقلم الشاعر / هشام الدكر

(كان عندي جده)
..........................................
كان عندي جده
حبتني وحنت عليا
كنت بقلها ع اللي جوايا
واحكيلها ع اللي فيا
كانت بالنسبالي اغلي
من اي حد
مقدار حبي ليها
مكنش يقدر يتحصي
ولا حتي كان يتعد
هي اللي نصحتني
بالصلاه وعلمتني الدين
وقلتلي استعيذ بالله
من كل شيطان رجيم
كنا بنتلم حواليها
وتحكيلنا حكيات
واتاري ايامنا معاها
بقيت ذكريات
بفتكرك كل يوم
في كل ساعه
في كل لحظه
بقرا عليكي الفاتحه
واقعد ادعيلك بالرحمه
يا رب ادخلها جناتك
وارزقها بنعيمك
ده يومها كان مشغول صلاه
وايامها كانت في صيام
عوضها عن ايام
كانت عايشه فيها عذاب
كان من عذاب المرض
وكان من عذاب احباب
وفي ايام الامتحان
كانت بتقعد تدعيلنا
وتقرا في القرأن
علشان ربنا يساعدنا
وياما حسستنا بأمان
دي كانت خير قدوه ليا
ولكل من عرفها
وكان بيضرب بيها المثل
في اخلاقها وطيبتها
دي كانت احن عليا
من احبابي وصحابي
وخبر وفاتها هدني
وحسسني بعذابي
انا عارفك يا ربي كريم
وهتشيلها في جنتك
دي هي ماتت ع الشهاده
ارزقها برحمتك
........................................
بقلم الشاعر / هشام الدكر