يانور العين... الشاعر /عبد الجواد خاطر

يانور العين-

ليه كل حاجة فى

حياتى اتقسمت اتنين
الدمعة صارت دمعتين
والجرح بقى جرحين
ليه يانور العين؟
بتسافر وبتتغرب
حتى الغربة
غرّبتنا ف مكانين
والغربة كانت غربتين
غربة الأيام وجفا السنين
وغربة روحى وروحك
ال بخيوط العنكبوت
متعلّقبن
وبشوك الورد
متمسكين
ليه يانور العين
حتى أنا مقسوم على اتنين
العقل ف حته والقلب ف حته
يعنى بقيت حتتين
وبقيت محتار أبقى مع مين
ومشيت فى طريقى
بصيت لقيتنى ف طريقين
تاهت روحى منى
ليه يانور العين؟
الشاعر/عبدالجوادخاطر