جارى التحميل
استخدم زر ESC أو رجوع للعودة
......... إمبارح ..........
إمبارح كان سهل أسامح
واتصالح مع قلبك وانسى
إحساسى بالهجر الجارح
وأهاتى وبُبعد المرسى
بس من اليوم دا خلاص هانسى
إنك لو لحظة تعود جمبى
من بعد ما شوفتك بعيونى
بتخونى وتشعل نار قلبى
وتزود فيا مرار سارح
................................... إمبارح كان سهل أسامح
إمبارح كان ممكن جداً
بمكالمة بسيطة ترجعنى
أوهبْلك عمرى ووجدانى
وأجاوبك قبل ما تندهنى
كان ممكن جداً بسهولة
نرجع والفرحة المجهولة
مع نظرة عين تطلع بحنين
وتداوى الضحكة المكسورة
يا مبْكى العين ليا ورايح
................................... إمبارح كان سهل أسامح
إمبارح كان سهل أسامح
إنما دلوقتى حقيقى خلاص
م اليوم دا ماليش بهواك صالح
وهاعمْلك زيك زى الناس
إعلم م اليوم مبقتش حبيب
ومكانتك عندى كأى غريب
وكلامك بعد سلام الله
لو يكتر مش هيلاقى مُجيب
حددت لقلبى انا إيه الصالح
# كرم شحات #
المصدر: ممدوح حنفي
(مجلة عشاق الشعر)(1)(ممدوح حنفي)
ساحة النقاش