جارى التحميل
استخدم زر ESC أو رجوع للعودة
** جابتها الوقت **
حيت جابتها الوقت؟!
جابتها الوقت
هد الوقت يا لميمة
تحضيني
اتحضنيني
وشوفتك....
طولي ليها الرباط لهيه
و لگلبك حوزيني
وبلون دمّو
فمراية هد الوقت
اترسميني
وبْحنًة العزبات
فكفوف هد الارض
اتنقشيني
جابتها الوقت
ملي اتخلطو لو ْقات
من حليب " نموت عليك"
ملي انغوت الغوتة الاولة
يا لميمة اتوضيني
وبتراب الارض
اتكحلي عيني
جابتها الوقت
انهز عليك صوتي
فهد الوقت؟!
يالميمة وعدريني
ويلا بان ليك ما غ نصدقش؟!
قنبولة غ انولي نطرطق
حلال عليك " حي "
فديك الحفرة الحمرا
لمضوية بشموعها الخضرا
زغرتي ............
بلى ما اطيحي الدمعة
وفيها دفنيني.
گبل ما ريح لغدر
اتسوط وتجليني عليك
وما اتلتيش اتصبيني
جابتها الوقت
هد الوقت آلبلاااااااد
تحضيييييييييييييني
ولييييييك اتحوزيني
الفنانة والزجالة فاطمة بصور : مجنونة الحرف الركح
المصدر: (ممدوح حنفي)
(مجلة عشاق الشعر)(1)(ممدوح حنفي)
ساحة النقاش