جارى التحميل
استخدم زر ESC أو رجوع للعودة
<<*>>*<<*>>{ حجاب }<<*>>*<<*>>
........................................................
عملت راهب دير اكتبلك حجاب
-----*----- خايف لعين الحسد يوم لاتصيبك
ريشة جناح الطير بليتها بهداب
-----*----- اكتب لشاعر غزل ناوي عاتعذيبك
خايف عليكي كتير لايسرق العناب
-----*----- ويخطف خدود الحلا تصفٌر وتعيبك
خايف عاصندوق الوفا مركبو عالباب
-----*----- يفتحو شي نهار ويقرا مكاتيبك
خايف عاحرف الغزل يتلبك ويرتاب
-----*----- ويوقع عليكي العشق مايرجع يسيبك
هربنا عاهاك الدير والقلب ماتاب
-----*----- بصلُي هرب منك والحلم بيجيبك
عين الهوى عليي وبالعشق منصاب
-----*----- ونسيت كيف الصلا كلو بترتيبك
كل الدني حساد شو بينفعك الكتاب
-----*----- سحرك عليي وقع ورضيان تعذيبك
-----*-----*-----*-----*-----*-----*-----*-----
الشاعر السوري المهجري ... اليان سمعان
المصدر: يسريا
(مجلة عشاق الشعر)(1)(ممدوح حنفي)
ساحة النقاش