جارى التحميل
استخدم زر ESC أو رجوع للعودة
إزاى هتحب وتحلم
الدنيا تحن عليك
ويكونلك شغُل وبيت
له سقف وحيط تداريك
فكك وبلاش أوهام
وكفاية كلام أفلام
الحب دا شىء مش لينا
دا يا صاحبى علينا حرام
إحلم باللحمة وأولّى
لو نلبس هِدمة جديدة
والدولة دى تصبح دولةْ
حرية ودولة مجيدة
إحلم بالروس تتساوى
الحاكم والمحكوم
وبغير تدليس ونقاوة
العدل قانونه يدوم
فكك وبلاش أوهام
وكفاية كلام أفلام
الحب دا شىء مش لينا
دا يا صاحبى علينا حرام
إزاى هتحب وإنت
مش حاسس حضن بلادك
وف خيرها دا ليك أو لأ
أو حتى تفكر لحظة
توفيلها وتهدى جهادك
لو فيها يضيع الحق
فكك وبلاش أوهام
وكفاية كلام أفلام
الحب دا شىء مش لينا
دا يا صاحبى علينا حرام
# كرم شحات
المصدر: ماجدة الطوبجي
(مجلة عشاق الشعر)(1)(ممدوح حنفي)
ساحة النقاش