آل أيه الفقر عيب !... بقلم /محمد العراقي

مجلة عشاق الشعر الإلكترونية.. ممدوح حنفي 

بيقولوا عنه فقير والفقر دا عيب كبير
آفة تصيب الرجال و مرض جدا خطير
و البرء منه صار و حياة ربك عسير
و يعيش صاحبه حزين مستعبد أو أسير
و الله خلق العباد ميسور وكمان فقير
و جعل منهم خدوم و السيد و الأمير
و الحاكم و الرعية و الضابط والخفير
والدكتور و المدرس و البواب و الوزير
منهم بيبات عريان وغيره لابس حرير
فيهم من حظه سيئ و كتير حاله يسير
و حزين فرش التراب وغيره على الوسير
و كتير مش عاجبه حالة و بيطلب التغيير
و ناسي إن ربه عنده الخير الوفير
و بيحاسب الظلوم ربك حساب عسير
الفضل مش لمال و لا مبصر أو ضرير
الفضل لراجي ربه و لطيب الضمير
اللي مبعش دينه لصغيَّر أو كبير
ربك بيرفع مقامه و يكون للناس نذير
هو اأعلم بالعباد و هو بحالهم خبير
خلق المخاليق بحكمة الأمي والحكيم
قسِّم بينهم آلاءه كان طيب أو لئيم
منساش ربك عباده المكلوم و السليم
هو الخالق و رازق و الحافظ والحليم
هو المنعم و مطعم هو بالعباد عليم
هو مانع هو مانح متفضل و كريم
اطلب من فيض ربك الرزاق العظيم
اسأل ربك نعيمه يأتيك الخير عميم
و اشكر باريك فإنه غفار رحمن رحيم