مجلة عشاق الشعر الإلكترونية.. ممدوح حنفي
حبيبي زيزو
أنا سانده عليك
بس شوية مستتقلة
أنا مطمنه بيك
ومعاك ياعمري مكملة
فاكر يا زيزو أيام زمان
لما كنت بقولك بحبك
بحبك في كل جملة
ياااااااااااه
داحنا عملنا في بعض
ساعتها يجي ميت عاملة
والنهارده معاك يا زيزو
مش عارفة ليه عينيا مزغللة
زيزو ٠٠٠٠٠
إسمعيني يا بنت الناس
إبعدي عني خلاص
أنا غيرت إسم زيزو
وبقيت الشيخ ميزو
وبنصحك بقى وكتر خيري
زي ما وصاني إسلام بحيري
وعندي بكره خطبة الجمعة
عايز أقوم أحضر كلامي
من فتاوى الشيخ برهامي
لو لقيت واحد مع زوجتك
وزجتك كانت راضية بيه
سيبه ياابني الله يعينه
وإسكت ياابني وأستر عليه
وإبقى خده ع القهوة معاك
ومتنساش ياابني
تبقى ترد الباب وراك
دالفتوى م الشيخ ميزو
ختم وسجل تجاري
وسيبك من إبن ماجه
ومن صحيح البخاري
وصدقوني أنا مش كداب
ومع الشيخ ميزو
هتلاقي العريس ع الباب
وأنا والله مش مغرور
دانا بطلت أسمع بعرور
واللي بيغني للحمار
واللي بيغني للحنطور
سمعتي يا بنتي
وإعتذري لللي هيجي بعدي
خليه يسامحني أصل أنا
أخدت كل حاجة في عهدي
وشوفي عهدي كان كام سنه
ساحة النقاش