مجلة عشاق الشعر الإلكترونية.. ممدوح حنفي
تعالوا نعيش الانسانيه
عشان .الطمع والطموح بعنا الاشقاء ونسينا اهالينا واخترنا سكة تعب وشقاء
القلب ....انجرح وزاد كل يوم البكاء واحلام بعيده والنفس محتاجه لعهد الوفاء
نصرخ ........مانصرخ برضوا مفيش حياء الناس ماتت من قلة الفهم وكتر الغباء
نفوس...... ضاعت بسبب العند والكبرياء وابتعدنا عن التواضع والمحبه والاخاء
الدنيا ....فانيه والعمر راح بثانيه هباء والاخره هتبقي هناك ابديه ملهاش انتهاء
هتعمل ..........ايه بمال وجواهر وعدد الابناء كله زايل والعمر قصير وكلنا غرباء
اعمل ...........الخير ولا تتحير بدنيا الرياء الخير راح يزيد لو اطعمت هنا الفقراء
لو.... زرعت سلام بقلب كله نقاء لو بطلت غل وحقد وعشت الكفاف والاكتفاء
ليه...... بنطمع وعاوزين نبقي اعنياء والنفس اماره بالسوء والمال سبب البلاء
تعالو..... نرجع لربنا ولعهد الانبياء ونتعلم من كتبنا السماويه ازي نكون سعداء
تعالوا....نعيش الانسانيه بلا كبرياء وننسي كلام اهل الدنيا ونرجع لعهد النبلاء
نعيش .........ونحترم ادميتنا وبلاش افتراء عاوزين نعيش في عالم بيفكر بذكاء
البصيره ........مفتحه ونور العلم لينا بهاء ورحمة ربنا تنزل وتتفتح كنوز السماء
لو ...فكرنا بعقولنا ليه كل ده البلاء و الناس بقت جعانه ومحتاجه ينتهي الغلاء
هنعيش..... حريتنا ونعيش الرخاء لو حاربنا الجشع والطمع وكل سوق سوداء
لو ..احترمنا ادميتنا هنعيش سعداء وتنتهي كل مشاكلنا وتنتهي دنيا الغوغاء
راح..... ينتهي الفقر بمبداء الحب والاخاء واحنا كلنا بشر وكلنا اتخلقنا اسوياء
ساحة النقاش