مجلة عشاق الشعر الإلكترونية.. ممدوح حنفي
عتاب على العباد مش على الزمن ... عتاب على انسان عتب على الزمان ودفعه هو الثمن ... عتب عليك يا زمان وهو اصلا على نفسه وغيره لا يؤتمن
عتاب على صاحب الظن فيه خاب ... تامنه على كل حاجه وهو خسيس كداب ... بني ادم فيه العبر وعلى غيره عاب ... عاب على غيره وقلة اصله يتكتب فيها الف كتاب
عتاب على حبيب جرح وخان ... خان قلب طيب حبه واداله الامان ... حبيب باع حبيبه لجل دنيا ومال وعتبوا عليك يا زمان ... فين يا اخونا الحب الحقيقي فينه يا انسان
عتاب على اخ بيقتل اخوه ... وابن بيرمي امه وابوه ... استعر منهم يا ولداه بعد ما ربوه ... واكبر عتاب على ناس باعوا وطنهم بالرخيص وخانوه ... وتاني عتاب على بشر لما مات الخاين شهيد سموه
عتاب على اللي اشترى الرخيص بالغالي ... وفي اشد الحاجه ليه قال وانا مالي ... قال وانا مالي سبوني في حالي ... اهم حاجه نفسي واللي جرالكم ما يجرالي
عتاب كلمه يتكتب فيها مليون كتاب وهي غنوتي وموالي
ساحة النقاش