مجلة عشـــاق الشعـــر الإلكترونية (ممدوح حنفي)
جايه دلوقتي تلوميني
وتقوليلي ليه تبيعني
ليه تبيع العشره بينا
ليه حبيبي بتضيعني..
عامله نفسك ملاك بريء
واني ظالمك والحقيقه
انك انتي اللي بيعتي
ودوستي احلامي البريئه..
اقلعي توب البراءه
واظهريلي ع الحقيقه
وانطقي مين اللي بايع
كوني صادقه لو دقيقه..
ابكي مهما تبكي عمري
ماابكي تاني بيوم عليكي
دوستي ياما ع اللي حبك
واللي كان قلبه بإيديكي..
ياما صونتك من شرورك
كنت مرايتك وقت غرورك
وقت همك ببقي سندك
واما تحزني حبيبتي
ليكي كنت بكون صديقه..
تحكي همك او تبوحي باللي شاغلك
حتي لو تشكيلي مني
كنت باجي معاكي ضدي
قد ايه كنتي حبيبتي
جوه مني روح عميقه..
ليه تقولي اني بيعتك
واني لليالي سيبتك
تكدبي علي قلب حبك
وتقوليلي انك حبيبه..
ارحلي بطيفك سيبيني واهجريني
اديني فرصه اني انسي
اني عرفتك واني عيشتك
واني حسيتك حبيبتي بيوم بريئه..
بقلمي..
★أمل صالح★
ساحة النقاش