مجلة عشـــاق الشعـــر الإلكترونية (ممدوح حنفي)
ارفعى ... راسك
عبى ..... انفاسك
من هوا الحريه
انتى القويه العفيه بمجدك وناسك
همه دول حراسك ....
ياللى الاصاله اساسك
من يوم ماكنتى صبيه
على طول بغنيلك
شايف انا نيلك
بيغنى مواويلك
فرحان بالامان
وشبابك .... يحكيلك
على ضى قناديلك
فرحته ف الميدان
لما اتحدى بهمه قويه
ونفس أبيه ....
كل الطغيان
ارفعى .... راسك
ارفعى .... راسك
دوسى مين داسك
كل اللى باعك وخان
لمى ولادك فى حضنك
دول مستقبلك رغم حزنك
من دلوقتى أن الاوان
راح يصنعوه بأديهم
علشان انتى غاليه عليهم
بس احيي الامل فيهم
دول بالعمل ح يوصلوكى لاعلى مكان
ارفعى .... راسك
ارفعى .... راسك
ياللى عمرك ما اتهزمتى
كل اعداءك فين .؟؟وانتى زى ماانتى
ياما اتظلمتى .. وعمرك ماظلمتى
ده تاريخ اجدادى فيكى
مايروحشى م الاذهان
قومى وعمرى الدنيا
فرحينا مره تانيه
انتى العظيمه ..
ياعمر اطول من عمر الزمان
ارفعى ... راسك
ارفعى ... راسك
**********************
هذه القصيده
للشاعر مصطفى عبد المنعم
سجلت بتاريخ 15 اكتوبر 2014
ساحة النقاش