مجلة عشـــاق الشعـــر الإلكترونية (ممدوح حنفي)
لو قالولي عندك عدالة
راح أقول لأ..استحالة
اناشايلك فوق كتافي
وماشي انا حافي
يمكن ف يوم تحني
أصل اسمك شغلني
قالوا إن فيه عدالة
بس طلعت اشتغاله
عندنا بدل الفقير
عشرومية ألف حالة
اللي يجي يوم يموت
بيقولوله اعمل حوالة
واللي ساكن ف التابوت
واللي بياكل م الزبالة
لو قالولي فيه عدالة
راح أقول لا استحالة
كتبوا عنها ..الأشعار
قالوا عنها مية قوالة
ناس عايشة ف الاوانطة
غاصوا طبعا ف الضلالة
والقهاوي بتشتكينا
من الفضا ومن البطالة
أصل انا طبعا يابلدي
أملي راح وعايش عوالة
بحب سارة واروح لليلى
حتى أنا مش عاجب هالة
والتأمين دايما بيشكي
فيه هناك مليون حالة
لو قالولي عندك عدالة
راح أقول لأ...استحالة
ابراهيم بدر عبدالله
ساحة النقاش