مجلة عشـــاق الشعـــر الإلكترونية (ممدوح حنفي)
يادي الوطن
-
الحب مطلوب مننا
في السر كان أو في العلن
في الأولى نحمد ربنا
مش نيجي نلعن في الزمن
و نقول وطن
ماله الوطن
و مين عدل و مين ظلم
ما احنا اللي دافعين التمن
و احنا اللي حاصدين الألم
بإيدينا زارعين الجراح
و الكل رافعين العلم
و بقينا قاسمين الوطن
ل ١٠٠ وطن
بس الوطن
كأنه طفل بيتفطم
ضعيف و حاسس بالوهن
محتاج شعور غير الألم
بقلوب مخاصمها الشجن
رافعين شعار غير الندم
محتاج أمل
محتاج عَلَم
و برضو شايفين الوطن
محتاج وطن
يا دي الوطن
هو الوطن من غير وطن هيكون وطن
ما احنا الوطن
احنا اللي لمينا الشراع
بإيدينا رايحين للعدم
و احنا اللي فتتنا الصراع
و الكل ساب بيته اتهدم
مركبنا سايرة بالخداع
حضرة جناب المحترم
ماشيين في عكس الإتجاه
جوانا زارعين الورم
لسه بندرس في الهرم
و نثور و نلعن في الوطن
أعدائكوا فين
بتقولوا مين
برضو الوطن
يادي الوطن
يادي الوطن
يادي الوطن
-
بقلمي
#الشاعر_أحمد_شاهين
١٦-١١-٢٠١٥ك
ساحة النقاش