يا أجمل كلمه... الشاعر /طه إبراهيم

مجلة عشاق الشعر الإلكترونية.. ممدوح حنفي 

أنا اللي هتفت يا أمي

وكفني كان علي كُمي

وقلت بروحي أفديكي

واروي الارض من دمي
وانسي غربتي فيكي
وأقولك يامه وحشاني
عيونك يامه عنواني
يا شيلي الهم من بدري 
وأجمل حآجه ف عينيه
أشوف الدنيا ورديه
و أسمع دعوه من أمي
تخفف عني من همي
يا لمه اخواتي والعيله
ومين يامه يشيل عنك
ويرفع عنك الشيله
أنا واخواتي نستنه
نشوف الصبح نتمني
يكون الموعد الجنه
يا أحسن أم ف الدنيا
ولو جربت أغيب عنك
أعد اللحظه والثانيه
أشوفك وسط اخواتي
تشاوري عليه وتنادي
يا أجمل كلمه يا بلادي
يا كلمة حب تجمعنا
علي الصوره وع المعني
وأكتر حاجه توجعنا
نشوف دمعه علي خدودك
وفرحة قلبي ف وجودك
وأشوف اخواتي حواليكي
واشوف الصبح ف عينيكي
بيتمايل من الفرحه
ويرمي ورود علي الطرحه
تشيلي الورد وتلمي
تشدي تمدي إيداكي وضمي
حنانك يامه يكفيني
وهمسك يامه يرويني
يرجعني ومن تاني
يا أجمل غنوه في وداني
يشيله الهم من بدري
يا أجمل كلمه يا أمي