(لسه فاضل منك)... الشاعر /إبراهيم ممدوح السيد

مجلة عشاق الشعر الإلكترونية.. ممدوح حنفي 

لسه فاضل منك. . . حبة اهات

شوية كلام عنك. . يمكن حاجات

صوره ليك في عيد ميلادي

وذكرى لما نسيت ميعادي

وكدبه منك وتقولي عادي
والعادي أنك ماضي فات
لسه فاضل منك حبة اهات
كلمتين كده قولناهم
نفسي أشوفك ونكون سوا
صدقت أنا عشت معاهم
اتاريه دخان طار في الهوا
عارف حبك لو كان دوا
مش عايزه منك
حتى لو كنت في ممات
لسه فاضل منك حبة اهات
هاكره طريقك مش همشيه
واهدم بأيدي مقام حبك
وادفن وهم كنت أنا فيه
بس خلاص صحيت منك
والباقي منك حفنه رفات
معدش فاضل منك

غير حبة رفات