إني حقاً أعترض " --------"" طارق ""

مجلة عشـــاق الشعـــر الإلكترونية (ممدوح حنفي)

" إني حقاً أعترض " 
-----------------------------------
صرخة من قلب اعتراضي 
وصفعة تضربها الأيادي ....
صفعة فوق خد الأعادي.... 
صفعة برسمها بعنادي....
ولأَ تتقال صوتها عالي تنصر الحق ف بلادي
هقولها دايما ليل نهار 
ولما يحبسوا ف الكلام
يبقى لَأَ وألف َلأَ للنظام
ونسمع أحلى سقفه لِلِئَام
وسقفه برده لكل حاجة مش تمام
ولكل من ساهم بتخريب العَلام
ولكل سارق حلمنا لو في المنام
ولكل فاسد بث روح الانهزام
ولكل شيخ كداب وكان عالي المقام
صفعة وهتسمع صداها ويا لأَ في الودان
تعملها 
يوم ما بتعترض على شيء جبان
وتقولها لما بتنكوي بظلم جارف وانتقام
وتقولها وقت ما تبقى ممسوك باللجام
واوعاك تقول ان اللي سَقَّفْ أو يقولها كان جبان
لأ .... مش تمام .
لأن لأَ ... ف أصلها .
كلمة بيشمل حرفها كل اعتراض 
على فكر فاشل ضيع الدار والأمان
واقوى سقفه مكمله صوت اعتراضي
أه بعترض وهموت وانا ف قلب الميدان
أو ننتصر أو على الاقل نعيش ونرفض لِمتهان
يبقى من حقي اقولها واعترض.. 
في وقت فيه كل الأماني بتنقرض
واتهامك بالمصايب ظُلم ... وعليك يتفرض
وهقولها برده لكل خاين أو عميل 
بيصون عهود المأجورين والحقيقة بتنتفض
علشان يخرب في البلاد 
ويزِلْ مَيتين العباد 
ويبني في سجون للشباب
للي خلى الناس تعيش عيشة الكلاب
يبقى لأَ وألف لأَ للنظام 
وسقفه حلو َ للي شجع لنقسام 
وصفعة أقوى للي بيبوس البيادة 
عشان يحس ف يوم بنشوة الانتقام
وصرخة عالية للي يقبل كل ظلم 
ويقتل الناس في اعتصام
واللي يشمت فيك ، 
وفي الدم اللي سال ، وسط الزحام
واللي مبسوط انه عايش بالحرام
لأَ وألف لأَ لكل فِلّ 
وسقفه تانية للتريل 
اللي مسحوب م الودان 
وتحيا مصر لكل أوباش النظام
---------------------------------------------
بقلم واحد معترض
"" طارق ""
بتاريخ 11-11-2015 م