بقيت مستشار بقلم الشاعر يوسف الحمله

مجلة عشـــاق الشعـــر الإلكترونية (ممدوح حنفي)

لقد تكررت واقعة المستشار المزيف 
فمنهم من يتم القبض عليه 
بعد مزاولة نشاطه ك مستشار 
ومنهم من يتم القبض عليه قبل مزاولة النشاط 
ولا ننسى واقعة ( عائشة عبدالهادي ) 
وزيرة القوى العاملة 
وهي كانت معها الإعدادية ( وتفتخر هههه!!!!!!!)
بقيت مستشار
،،،،،،،،،،،،،،،،،،،،،،،
أنا بالفهلوه بقيت مستشار
وأنا واخد دبلوم بالعافية
بس إزاي راح تحكموني
والمناصب
في البلد دي كيلو بامية
هو الموضوع شهادات وفراغ
والا الموضوع تشغيل دماغ
يا أخونا عيب وبلاش غيره
ماهو قبل مني
بالإعدادية كان فيه وزيرة
يا ناس سيبوني دالدنيا حظوظ
سيبوني أحس إن أنا محظوظ
دانا كان فضلي شوية وإسمي
ينكتب جنب نجيب محفوظ
وإذا كنتوا مصممين على عزلي
وناويين تسيبوني بهمي الأزلي
هاتوا خططي لسنة إللي جايه
وأنا هتحمل منكم زُلي (ههههه)
بس يا ريت تسيبولي سواق
وفيلا وعربية وشوية ترياق
لو هتخدوهم هما كمان
بالشكل ده هرجع لبولاق
بالشكل ده هرجع لبولاق
بالشكل ده هرجع لبولاق
،،،،،،،،،،،،،،،،،،،،،،،،،،،،،،،،،،،،،
بقيت مستشار
بقلم الشاعر يوسف الحمله
7/11/2015