المطر2... الشاعر /إبراهيم بدر عبدالله

مجلة عشاق الشعر الإلكترونية.. ممدوح حنفي 

قالوا المطردا خير

انا قلت وماله

قالوا مات الضمير
قلت إنذار جاله
قالوا الفساد كتير
و مفتوله حباله
انا للفساد ..أسير 
نال مني مناله 
ايه بس يا أم الخير
مال الخراب ماله
فيكي مبرطع السكير 
مسكينك ايه جراله 
بقى للخراب جماهير 
وكتروا أوي رجاله 
يلا يا دنيا مطري 
من البلاوي اغسلي
يلا اغسلي قلوبنا
وزيحي يلا كروبنا
احنا خلاص ملينا
والله خلاص دوبنا
احنا بنن عيوننا
شوفنا العذاب شوفنا
شوفنا الدمار ألوان 
والعربي أصله اتهان
بقي للأسى عنوان
بقى في الهموم فنان
ماتت حقوق الإنسان 
مطري بقى يا دنيا
يمكن يرجع الأمان 
هوا الشتا دا ايه؟؟
رمانة الميزان ؟؟
ولا يكونش الشتا
بيريح...... التعبان
بينقي الجو م الأمراض 
ودا خير من عند ربنا
لا تقولي سين ولا صاد
نزلت سيول عندنا
فجأة وبدون.. أعراض 
إنذار عشاننا ..كلنا
عشان ينزع...الأحقاد 
ودا لأن. .....المطر

بيخلي النار...رماد