مجلة عشـــاق الشعـــر الإلكترونية (ممدوح حنفي)
ياعينى عليك يا بلادى
بقيتى فى وادى وناسك فى وادى
والعين بتدمع ؛ماحدش بيسمع..
صوت أى عاقل مهما ينادى!!
معاول فى الأيادى
بتوجهها الأعادى
بالدولارات والدسايس
؛ومظاهرات فى تمادى !
شك فى صدر الشباب
.. وعقولنا فى غياب
واتهامات فى اهوا
والاعلام ..زفت و هباب
انقسام وشقاق يعل
وفلان ثورى ؛وفلان فـل؛
وحرب حناجر وحرب خناجر
ومولوتوف وخوف خلوها خل
وناشط سياسى كلامه ممل
ودا انتهازى ودا مستغل
ودا ليبرالى.. ودا اسلامى
ودا حزب كنبة ،ودا مستقل
قوللى يامصرى ايه العبارة؟؟
فين الانتماء؟..وفين الحضارة!
يا أى مصرى..النيل جوه دمه
تعالوا بحكمة نلافى الخسارة!
_________________
بقلم د.عبدالله منصور_مايو
ساحة النقاش