مجلة عشـــاق الشعـــر الإلكترونية (ممدوح حنفي)
إعلان مُمول
..
مطلوب
مطلوب عدد
مطلوب عدد واحد " صاحب "
صعب يغدر أو يخون..
بيخاف على صاحبه أمّا يصاحب
وتملّي في طبعُه كريم وحنون..
..
مطلوب صاحب طيب وحسيس
على صاحبه يكون ناصح وحريص..
لّو فكّر مرّه يبيعه خلاص
يبقى بغالي ميبعشي رخيص..
..
مطلوب صاحب في الشدّه الاقيه
أرمي حمولي وهمومي عليه..
مُش صاحب بس في يوم فَرحِي
وف يوم جرحي صعب أوصل ليه..
..
مطلوب صاحب كدا ينصحني
لّو حتى تَعبّني وبكّاني..
مُش صاحب همّه يفرّحني
لّو أكون مظلوم أو أكون جاني..
..
أنا عايز صاحب أرتاح له
مُش فارقه صُغيّر ولاّ كبير..
صاحب لمّا يغيب أشتاقله
ويسيب في حياتي كتير تأثير..
..
بأسأل وسؤالي محيّرني
وبيقولو عليّه مُش فهمان..
يا ترى ...الصاحب دا موجود..؟؟
ولاّ أوّقف نشر الإعلان ..؟
..
#سمير_شومان
ساحة النقاش