مجلة عشـــاق الشعـــر الإلكترونية (ممدوح حنفي)
حرام عليكم ليه تخيبوا بختها
عشقت ..قمر وقلت اروح اتجوزها واطلب ايدها من اهلها روحت خبت عل بابها
فتح. ليا عمها قلي اهلا وسهلا نورت انت واللي معاك وفتحنا الموضوع ساعتها
رحب بالفكره قال عل فكره مهر بنتنا محدش يقدرعليه قلت قدها لاني بحبها
قلي...ازي حبتها و عمرها ماخرجت من بيتها خرجت وشوفتها راح اخرب بيتها
لا ياعمي ..انا سمعت سيرتها وجيت عشان اطلبها زي اولاد الاصول من اهلها
بعت ....لعروستنا وقلها الاستاذ جاي يتقدم لك عاوز يخطبك زعقت باعل صوتها
وقالت ...لاء انا عمري ماسمعت عليه كدبتها وقلت كدابه يابيه اتكلمت وفكرتها
لما. كنت رايح عند خالتها وهي كانت معها في بيتها وانا كنت هناك في جنبها
قالت ..معلش مخدتش بالي وكلمت عمها رد وقال لينا شروط وطلبات عوزينها
مهر وشبكه وفرش راح تجيبها منين منعرفش وشقه تعيش فيها معاك لوحدها
طبعا ......كانت قطمت وسط حاكية طلباتها ازي راح اتصرف و اجيب احتياجتها
طلبات .......تخش في نص مليون عشان اتجوزها طيب ازي راح اجيب مهرها
فضلت ساكت لحد البيت بعدها بسرعه بكيت علي حظي وبختي لعنت حبها
ليه يادنيا عشقت وحبيت قدها منين اجيب مهر وشبكه ليها وازي ارضي امها
نفسي اتجوز اعيش بس عمها عاوز يدبحني قبل ماشوف جمال ولون شعرها
زمن ..غريب وكله طمعان زيها خليها بقي في بيتكم تعيش عانس زي اختها
حرام.. عليكم ليه تخيبوا بختها عشان حبة هدايا تعيش محرومه طول عمرها
الشاعر مدحت فضل
ساحة النقاش