مجلة عشـــاق الشعـــر الإلكترونية (ممدوح حنفي)
مربعاتي الواوية
(1)
إياك تاخد علي خاطرك
دنيا ومليانه متاعب
رابط حزامك علي خصرك
واليوم جاي لينا تلاعب
*****
حيلك يا أبو قلب قاسي
وشك عليه ملامح
إيدى علي كتفك وفاسي
وخلي قلبك لينا مسامح
*****
تعجبني فيك البشاشة
والعشرة عند الأصيل ما تهون
خايف لتكون ناوي غشاشة
عمره الخسيس ما يعون
*****
كفياك يا خي هتير
كلمه ورد غطاها
صاحب وامشي كتير
جايز تفهم مداها
*****
كلامك يا واد ما يعجبني
ولا يعجب صغير في الحي
إن كنت نــــاوي تكدني
صحبتك عايزه الطي
*****
مدحوك صحابك وفاضوا
والمدح ليهم ومش زم
جايز في يوم عابوا
لكن عمر الأصيل ما يتزم
*****
صدقنا كلامك يا خال
وقلنا بريء من اللم
أتريك يا خال متعال
وكلامك كله من اللم
*****
كلامك حلو يا مضروب
وخليك للود واصل
من مده شايفك ومغلوب
وقاطع بينا التواصل
بقلمي @سيد يوسف مرسي
ساحة النقاش