مجلة عشـــاق الشعـــر الإلكترونية (ممدوح حنفي)
جارة تكفير السيئات
........................
أنا قلت هعمل أغنية
عن جارة رخمة و فضولية
اسمها يعنى صابرية
قلبها يمكن تقلية
ولسانها زى الحنفية
وعنيها زى المخاوية
تقعد فى الرايحة وفى الجاية
وتقوللى مالك يا عنيا؟!
يا حلاوة! حلوة الجلابية
والجذمة ،لأ والعربية
دول ييجوا كام يا ضنايا؟
والمكسب إيه فـ الضحوية؟
طاب أعمل إيه يا إخوانا؟
أنا خلقى أصبح فى قفايا
والعيشة راحت تعبانا
الست ياما قرفانا
لابد تعرف خباينا
وتفنى حتى فـ نوايانا
الصبح تحكى لمعارفها
والكلمة تدخل فى حكاية
وربى وحده اللى شايفها
وحكايتى تبقى السهراية
أنا نفسى أعزل يا جماعة
دى ست فعلاً حسودية
ولسانها مش بس إذاعة
ما تحللى عنى يا ولية
وفى كل حتة صابرية
والصبر أحسن مداوية
بس انت تدعى وبالنية
يارب تهدى شلبية
يكفينى شرك يا بهية
وتخبى عن ست صفية
دا بس حللك يا حبيبى
لو عندك غيره رسينى
والناس برضه لبعضيها
بس اوعى بس تنسينى
أصلى على سى شفيعى
وربك هيصرف بلاويها
أحمد مرعى
ساحة النقاش