بشتكى ..الشاعر عادل الشهابى

بشتكى 
بشتكى لكراسى بقلمى وحروفى ....
معاهم بيروح عنى كسوفى ...
بحكيلهم انا عن همى وخوفى ....
عينى تدمع بداريها بكفوفى ....
وقولها يا عينى بلاش للظلم تشوفى ...
كفايه يا زمن حزن وآسيه ...
كفايه تبيع وتشترى فيا ....
وأنا يا زمن مش طالع حاجه بأديا ...
أنا يا زمن فيك الغريب ...
أنا المقطوع من شجره ومليش حبيب ...
ليه يا زمن أمرك معايا عجيب ...
ليه كل حظى ما يضحكلى يرجع تانى يخيب ..
يا قلم قول وأملى سطورى ...
قول يا قلم ده الهم بقى من دورى ...
عَلى صوتك وعرف الناس يا قلم اللى جرالى ..
أنا اللى كنت بعطف على الناس بمالى ...
وقتها كنت عندهم يا زمن غالى ...
يا زمن أسمع منى هقولك كلمتين ....
لازم تسمعهم والعين تكون فى العين ...
ليه يا زمن عاوزنى دايما حزين ....
والفرح بعيد ليه عن الأدين ...
مسيرك فى يوم تضحكلى يا كراسى ...
هفكرك وعمرى ما هكون لليوم ده ناسى ...
هفرح ويفرحوا معايا كل ناسى ...
بشكى لكراسى بقلمى وحروفى ...
معاهم بكون على راحتى وبيروح عنى كسوفى ..
وفى وسطهم بيروح عنى خوفى ... 
بقلـــــم: عــــــادل الشـــــــهـــابى