مجلة عشاق الشعر الإلكترونية.. ممدوح حنفي
على شط الالم ماشي دموع تنزل
وانا ماشي فى رحلة موت
وللمجهول انا ماشي
حبيبتى ليه ده انا منك
فى بحر الموت رميتيني
على الامواج حدّفتينى
اقول مظلوم جرحتيني
اقول مشتاق اناديكي
وليه يا حبيبتى تنسينى وترمينى
فى بحر الموت يكون قدري
يهل الليل يموت فجري
وللمجهول انا ماشي طردتيني
ولا ف حضنك وبضمي
حرام افرح كتير الفرح يا امي
عليا كتير ومات الضؤ
هنا ف شمسي
ولا بيا كمان حسة
ولا بجراحى بتحسي
انا اسمي وكان سوري لكن اسمي
بقا لاجئ وم الاحزان انا الشارب
وللتشريد انا المارق
طريق مجهول وانا شارد
بناديكى ولا سمعه ندايه ف يوم
ومين ظالم ومين فيكى هنا مظلوم
ده انا مجروح ولا حسه ده انا لسه
بمد ايدايه للمجهول
ولو يرضيكى تشريدي
يكون تمني
ولو يرضيكى اعيش
فى الغربه وبألمي
انا موافق اعيش ليلك
وبأيدك يموت فجري وانا بجري
ولا بيكي لقيت حضنك بيندهني
فى عز الرحلة وضلوعي بتوجعنى
حرام منك تكون الرحلة للمجهول
يكون منك يكون الّمى
حرام يا سوريا انا جرحي صعيب وغويط
وبكفايه اعيش المر والاوجاع
واعيش جوة الضياع والخوف
واكون لاجئ واشرب قسوة التشريد
واخر الرحله مكتوبه شهادة موت
مواطن سوري ملفوف بالعلم لكن
مكتوب ف الشهادة شهيد
ساحة النقاش