وحشني يا خويا... بقلـــــم: عــــــادل الشــــــهـــابى

مجلة عشاق الشعر الإلكترونية.. ممدوح حنفي 

وحشــنى يا خويا 

حبيبى أخويا الغالى ...

وحشنى ومن بُعدك أتغير حالى ....

أخويا حُبك فى قلبى والله غير العاده ...

من فراقك الحزن فى قلبى بقى بزياده ...

الله يرحمك يا أخويا يا حماده ....

والله القلب لسه حــــزيــــن ....
وعلشانك لسه بتدمع العين ...
حماده دايما بيزورنى طيفك ...
نفسى يا أخويا احضنك وأبوسك ....
وملى عينى منك يا خويا وأشوفك ....
حماده لسه أصحابك عنك بيسألونى ...
ولما أبكى بسرعه بيواسونى ...
يا حماده أنك شايفك فيهم ...
ولسه فاكر خوفك عليهم ...
فاكر لسه يوم فراقك وهما كمان فاكرين ..
فى رمضان يوم ليله القدر 27 ....
وكنت ساجد ومن وقتها ما رفعت تانى العين ..
يا خويا اللى مصبرنى على فراقك ... 
أنه فى ليله كريمه ربنا اختارك ..
وأنت ساجد وفى الجنه جهزلك دارك ...
يا خويا تعالى وأوصفلى مكانك ...
أوصفلى بنات الحور اللى هما خدامك ..
وسلملى على أبوك وأمك عارف أنهم جيرانك ..
بلغهم يا حماده سلامى ....
وهاتهم وتعالوا زرونى فى منامى ...
وحشنى يا خويا والله بجد ...
يالى الموت عمل بينى وبينك سد ...
وغيابك ما يعوضه لأبن ولا أى حد ...
الله يرحمك يا خويا ....