يا دنيا خلاص .. بقلم / يحيى زكريا

مجلة عشـــاق الشعـــر الإلكترونية (ممدوح حنفي)

ما بقتش مستحمل يا دنيا خلاص
من كتر ما انا مصدوم فى كل الناس
دول وصلونى لحاله مش هيه
اتعامل معاهم ازاى اتعامل بطيبه ولا بسوء نيه
يا هل ترى العيب فيا ولا العيب فى الناس
انا نفسى انام كام سنه واصحى فى زمن تانى
واصحى واقول انا مش انا ولا ده كان عنوانى
وأنسى أنى كنت فى زمن كل اللى في أسين
وكأنهم مش بشر ولا كانوا بنأدمين
كان نفسى أعيش مع ناس بيقدرو العشره
ويكونوا بنأدمين مش فالصوا ولا قشره
كل الوشوش كرتون متلونين كام لون
طيب قوى قدام منك ومن وراك فرعون
عمال أغربل فى الزمن وأفرز وأنقى
ضيعت عمرى على السكك ومش لاقى حقى
ولقيت دموعى فى سكتى على الأرض طارحه
مكتوب عليه أسكت انا وما أفتحش بؤى
أيام بتنهش بعضها قدام عنيه
مسكه السنين وبتكرها من بين أيديه
انا ياما كنت بتنازل وأقول حاضر وأقول طيب
أتارى عشان أعيش لازم ما كنش فى الحياه طيب
هغير نهج تربيتى وأعيش على عكس أخلاقى
خلاص الكل مش فارق وانا دلوقتى مش باقى .
تحيات شاعر الاحزان يحيى زكريا