يمين ولا شمال.. بقلــــــم الشاعر : عــــادل الشـــــهــابى

مجلة عشاق الشعر الإلكترونية.. ممدوح حنفي 

يا دنيا أنا هسألك سؤال ...

هو أنتى يا دنيا يمين ولا شمال ....

لو يمين ليه طبعك بطال ...

وليه بنهون على والعم والخال ..

وليه الأخ على حق أخوه يحتال ...

وتسأله ليه يقولك كده عال ..
يا دنيا أنتى شمال ولا يمين ..
وليه كترو فيكى اللايمين ...
وليه فيكى حد ينام حزين ..
يا دنيا أحترنا ومش عارفين ..
والدموع ملت خلاص العين ...
ليه بعيينا شيفينك سوده ...
هو السواد عندك أصبح موضه ؟...
أمتى يا دنيا هتضحكيلى ...
وتتحزمى وترقصيلى ...
ولا دايما هتعندينى ...
نفسى أشوفلك غير السواد الوان ..
نفسى أشوف الحق يرجع ويعترف اللى خان ..
ونفسى يرجع الأخ اللى عليه أخوه هان ...
ويصحى وما يسمعشى كلام الشيطان ..
يا دنيا فين إجاباتك ...
ولا عوزانى أحلفك بحياتك ...
شمال يمين عايشينك ...
تعاندى فينا وأدينا معندينك ...
دنيا وبتمرجحينا ...
تضحكى أنتى وتجرحينا ....
أنا سألت يا دنيا السؤال ...
ومستنى أعرف أنتى يمين ولا شمال ..