جارى التحميل
استخدم زر ESC أو رجوع للعودة
.................... وانا لسه بحلم يابلدى ........................
وانا لسه بحلم يابلدى حلـــــــم الصبى فيكى
وقت الالم والضــنى . بصــــــــــــرخ واناديكى
يامصـــــر يا ام العباد
ياصاينه عــــــرض العباد . يارب يحمــــــــيكى
من كل غادر غــــــدر.
وكل خــاين قــــــــــــدر . فى مـــــره يأذيكى
وانا لسه بحلم يابلدى
***************
وانا لسه بحلم يابلدى . ان الغــــــلابه تعيش
بامان وستر وغطى . ويلاقـوا لقـــمـــه عيش
وبلاش شباب ينجرح .ويدمـــــنوا ف حشيش
ويكونله بسمه امــل . امله يكــــــونله يعيش
ومهـما كان علــــــمنا هتفضــــــــــــلى امنا
وقت هيجــى العــــدا تفديكـــــــى روح دمنا
بس ارحمى ضعفنا . وقت العــــدا مايجــيش
وانا لسه بحلم يابلدى
***************
وانا لسه بحلم يابلدى .
ان الغنـــى يرحـــم وصحيـــح يكــــون ولدى
مش وقت يجى الضنى يهــــــــرب على بره
واما البلد تتعــــــدل يجــــــــى ومشـــاء الله
عامل ملك بالبـــــــلد والاف يعـــــــــــين الله
وكأنه طيــف بالسما يسقى العبــــــــاد زله
ووقت تيجى الحـــــروب يهـــرب ملــوش مله
وانا لسه بحلم يابلدى
***************
وانا لسه بحلم يابلدى
تاجر يتاجــــــر برحمه ويرحـــــــــــــم الغلبان
مستشفى تشفى العلــيل وتداوى بالتعـبان
وشرطه ترحم وتعـــــــدل ومصــــر تبقى امان
وشيخ بيفتى ويسجـــــد للواحـــــــــد الديان
ومفيش فتاوى ترخصه نفســــى يكون انسان
اما المدارس مـــــــــــدارس للعـــلم والايمان
مش هوجه اوبلطجه ودروس وســـــرقه عيان
وانا لسه بحلم يابلدى
***************
وانا لسه بحلم يابلدى خـــــيرك يكـــــون زايد
لاحرامى فيكـــــــــى بينهب ولا بنـــك بفوايد
ولاصحافه خبرفـــــــــــبركه لفـــلوس وعوايد
ولاقناة تفتنــــــــــــــــــــــك وجــايبه رقاصه
والعين جريئه أوى تنـــــــــــــــــدب برصاصه
عريانه ومدلعــــــــــــــه وماســــكه مصاصه
ساعة ماتضحك لنا الضحـــــــــــــكه بمياصه
وعيونا ومبحــــــــــــــلقه والخــــلق بصاصه
وبناتنا تحلم تكـــــون زيها ويومكوا مش فايت
وانا لسه بحلم يابلدى
وانا لسه بحلم يابلدى
......................... احمد عامر ............................
ننوه ان كل ماينشر حق مسجل بالهيئات المنوطه بذلك 112405/2015س م ب
إعجاب تعليق
(مجلة عشاق الشعر)(1)(ممدوح حنفي)
ساحة النقاش