محمد أبوالمعاطى

فاضل ايه تانى/لهجة مصرية
.........................................
فاضل ايه تانى ادهولك
غير حنانى اودهولك
بس يا ريت تكون على أد قولك
و توفى بوعدك ليا و انولك
فاضل ايه تانى عشان اطولك
اديتك من حبى أحلى ما فيه
اديت لقلبك اللى يكفيه
بس انت مُصِر برضو تنفيه
و تحطم قلبى و تخفيه
اخيه عليك اخيه
بحسب لما اشد انا ترخيه
و تاخد قلبى فى حضنك و تأخيه
بحسب لما ابخل انا بحبى تسخيه
فاضل ايه تانى اورهولك
غير حنانى و اهدهولك
بس يا ريت تكون على أد قولك
مش يمكن اكون بحبى بخلانة
عشان تعبانة و كسلانة
مش يمكن اكون نايمة و نعسانة
أه منك أه يانا
مش يمكن اكون شويه تقلانة
عشان تيجينى و اقدر انولك
امتى بس اقدر اطولك
امتى تكون على أد قولك
عاجبك الحب من بعيد لبعيد
و وعدتنى تيجى و ما جيت ف العيد
عاجبك الحب من بعيد لبعيد
من غير أشواق حقيقية و مواعيد
و افضل انا اقول و اعيد
و انت مبسوط كده و سعيد
دا حب ايه دا وعيد
افهم بقى يا سعيد
اديتك كل ما عندى
اديتك أعز ما عندى
عن بصيرة منى و عمدى
و انت ما يحلالك شكرى و لا حمدى
و لا حتى سعد الغامدى
مش عارفه ليه انت مبسوط كده
و مشمت فيا العدا
كإن حُبك كده و كده
و انا اللى يحلالى ف حُبك الفدا
مش عارفه اعمل ايه
غير إنى أصبر يمكن أنول
مش عارفه كده ليه
و خايفه منك حتى أقول
تهجرنى و تبعد عنى
و انت خلاص بقيت حته منى
أه منك أه يا مجننى
و برضو شايلاك ف العين و الننى
هاقولك ايه انا هاصبُر
يمكن بخاطرى ف يوم تُجبُر
أهو أحسن برضو ما تبعد و تُهجُر
...............................................
محمد أبو المعاطى المحامى