جارى التحميل
استخدم زر ESC أو رجوع للعودة
يا معندانى / أغنية
،،،،،،،،،،،،،،،،،،،،،،،،،
أيه ناويه عليه يا معندانى
الحب ما كان لحظة أنانى
الحب عطاء وقلوب دايبه
وحنان ونعومه وتفانى
.......................
ليه واخده الحب عناد وخصام
أسْتَنّى الكلمه ما لاقى كلام
فى بحور الصمت الروح غايبه
والعين ما بترمى حتى سلام
...........................
أتعذّب ليه وأنا حبّيتك ؟
وحملت الفرحه لباب بيتك
ما رضيت للحيره تقرّب لك
وخاصمت الدنيا وراعيتك
................................
لكن مشكلتك مغرورة
بتشوفى لنفسك ميت صوره
ويا ويل من قرّب لخيالك
يتحوّل لمرايه مكسوره
............................
وبرغم القسوة اللى ف قلبك
قلبى المجنون مدمن حبك
وليلاتى بتخطفنى الأفكار
بمراكب شوق والاقينى جنبك ،،،،،،،
بقلم / إبراهيم فهمى المحامى
(مجلة عشاق الشعر)(1)(ممدوح حنفي)
ساحة النقاش