مجلة عشـــاق الشعـــر الإلكترونية (ممدوح حنفي)
........تعالي يا مصر.......
تعالي يا مصر نتحاسب
ونعمل بينا كشف حساب
أنا مجروح وبتعاتب
عشان حبك مرار وعذاب
شايل حبك بقالي سنين
ورافض فيه أكون كداب
شايف حبك بعين مساكين
وراضي أكون من الخُدَّامْ
أنا واحد من الملايين
نفسي ألاقي فيكِ مكان
أنا واحد وزيي كتير
مصري بس في العنوان
قاسيه يابلدي ع الغلبان
ديما تحرميه خيرك
شهاده قالها كل زمان
إمتى نحس تغييرك ؟
أنا العاشق أنا الولهان
وحبي من طرف واحد
أنا المتغرب في البلدان
من غير سند ولا صاحب
أنا الساكن حواريكي
أنا الزارع أراضيكي
أنا الجندي اللي حاميكِ
أنا المنفي ف معاليكِ
نفسي تسمعي صوتي
نفسي تحسي بظروفي
تعالي يا بلدي ضميني
قبل في قلبي ما تموتي
.....................................
عصام دويدار
ساحة النقاش