مجلة عشـــاق الشعـــر الإلكترونية (ممدوح حنفي)
ما بين الدنيا والناس ... عايش انا حياتي ... دنيا ما بين حلو ومر الكاس ... حاضري وذكرياتي ... ناس اصيلة واللي لا ليهم اصل ولا اساس ... ويكفيني معرفتي انا لذاتي
دنيا بنعيم كذاب ... بيغوي الناس ويغويني ... نعيم حقيقته سراب ... درس اتعلمته في سنيني
ناس ظني فيهم خاب ... وناس وجودهم في حياتي يكفيني ... اللي شاركوني رحلة عمري اكتب فيهم الف كتاب ... قليل فرحني واللي حتى ذكراهم تضنيني
دنيا وناس وحب ضايع ... اللي تشتريه انهارده بكرة يكون ليك بايع ... ومهما كان الوعد المكتوب مكتوب حتى لو كنت سبع صنايع
اللي حبك بجد بيحبك حتى على عيبك ... لا بيبص لشكلك ولا جيبك ... واللي عارفك لمصلحة يقضي مصلحته ويسيبك
دنيا وناس عقل واحساس ... القوي فيكي يا دنيا عايش والضعيف انداس
وانك تحس بالوحدة وسط كل الناس بجد اصعب احساس
(( مدحت سلام ))
ساحة النقاش