مُمكن تِلّحق بقلم ‏سمير_شومان‬

مجلة عشـــاق الشعـــر الإلكترونية (ممدوح حنفي)

** مُمكن تِلّحق **
..
يلاّ عشان نِحسبها ياعَم
لأجل الجنه وبلاش غَم..
كام من كام يتفضّل كام
بس الباقي عَنّدي أهّم..
..
عُمرك كُلّه يا دوب "60"
لّو هتطوّل.... أو فوق حَبه..
كام ضيّعت أيام وسنين
كدا في الاول م تِفوق حَبه..
..
كُلّ يومين عَمّال تِعصيه
وتقول بُكْره ..بَعْده هَتوب..
أهو جه بُكْره وكمان بُعْده
وأنت رصيدك كُلّه ذنوب ..
..
إضرب وإجمع وإطرح وإقسم
شوف مجموعك كام في المِيّه..
لّو هيدخّل جنّه يا صاحبي
يبقى ضَمنّت نهايه هنيّه..
..
أما إنْ كان كدا لِسه شويّه
وجايب مُلّحق...
طُول ما هناك في العُمر بقيّه
حاول تِعمّل
مُمكن تِلّحق ..
..
‫#‏مُمكن_تِلّحق‬
‫#‏سمير_شومان‬