مجلة عشـــاق الشعـــر الإلكترونية (ممدوح حنفي)
ما بين جراحي انا جروح ولا اطبة الكون تداويها ... جراح المشاعر بسميها
ويا مكتر الجراح فيكي يا دنيا اللي عايش انا بيها ... جروح لو اتوزعت على الدنيا ولا تكفيها
عايش بيها بظهرها او عن عيون الناس بداريها ... جروح القلب متداريه في بسمة بتكسيها
وجروح جوايا ضحكة زايفة بتخفيها ... وكل جرح جوايا سايب اثار ليها معانيها
جراح ولا حد يخففها ولا الزمن بيشفيها ... حتى نعمة النسيان نسيت تلهي نفسي وتنسيها
وكل واحد فينا جواه جراح ولا حد حاسس بيها ... يحسها صاحبها ويعرف يسميها
واهي دنيا عايشنها بكل ما فيها
عايشنها وجروحنا جوانا عايشينها بافراحها واحزانها ايامها ولياليها
(( مدحت سلام ))
ساحة النقاش